La cura dla rujeneda

Diretives por n’adoranza nia descriminënta dl lingaz

Diretives por n’adoranza nia descriminënta dl lingaz te normes de lege, tesć aministratifs, formulars y tesć plü generai

Les diretives por n’adoranza nia descriminënta dl lingaz (publicades tl Boletin Ofizial dla Regiun n. 48 di 28 de novëmber dl 2024, plata injuntada n. 3) é la fondamënta por le tratamënt linguistich valí tles normes de lege, ti tesć aministratifs, ti formulars y te tesć plü generai. Ares contëgn ejëmpli concrec de soluziuns desvalies p.ej. por ci che reverda l’adoranza dles formes doples te sües variantes desfarëntes pro les denominaziuns de profesciuns, inciaries y funziuns, mo sambëgn ince propostes de formulaziun neutrales.

Le Sorvisc linguistich dl Ofize Chestiuns instituzionales y linguistiches é ion a osta desposiziun sce i ëis domandes o i adorëis consëis.

Chiló dessot él da ciafé les diretives por n’adoranza nia descriminënta dl lingaz tl ladin dla Val Badia y tl ladin de Gherdëna.

• Diretives por n’adoranza nia descriminënta dl lingaz
• Diretives per n'adurvanza nia descriminënta dla rujeneda

Model di criters

Model por la redaziun di criters por la conzesciun de alisiraziuns

Le model di criters publiché chiló dessot é gnü arjigné ca dal Ofize Chestiuns linguistiches da n iade por ti pité ales unités organisatives dl’Aministraziun provinziala n stromënt de consultaziun por la redaziun di criters por la conzesciun de alisiraziuns. Le model pó gní adoré sciöche model por organisé la strotöra conzetuala de n test nü o por ciafé sö, danter les soluziuns danman, les espresciuns y les parores plü adatades.

• Model di criters