![[Link] Website - Provinzia autonoma de Bulsan - Südtirol](/css/img/APBZ_Logo_Website_DE_IT_LAD.svg){kind=logo}
Damané na copia dla detlaraziun de portignënza linguistica
Relascé na copia dl zertificat de portignënza linguistica
An pó damané do na copia dl zertificat de portignënza al grup linguistich jon de porsona tl Ofize Portignënza linguistica dl Tribunal de Balsan. Al é da:
- Se presenté cun n documënt d'identificaziun varënt
- Scrí fora le formular Domanda zënza delega (tl'injunta)
Scenó podëise deleghé na porsona; te chësc caje vál debojëgn da scrí fora le formular Domanda cun delega (tl'injunta)
Ara ne vá nia da fá la detlaraziun o damané do le zertificat digitalmënter o tres pec o e-mail.
Caji de prescia
Sce I podëis desmostré che I ëis prescia da ciafé le zertificat de portignënza al grup linguistich (por ej. tomanza de n concurs publich), podëise jí diretamënter pro portina zënza termin, portan para la copia dla bandida publica o de d'atra documentaziun da chëra che an vëiga la tomanza.
Formulars por fá domanda
Desćiarié i formulars de domanda (cun o zënza delega).
I formulars pó gní scric fora ince dan le termin. A chësta moda vára da smendrí i tëmps d'aspeta y la prozedöra pro portina vá plü debota.
Damané n termin
Damané do n termin: Por fá la detlaraziun pro le Tribunal de Balsan vál debojëgn da damané n termin tres la plata web aposta dl Tribunal.
Ti Ofizi dl Vicar de pesc pó les modalités mudé: pro le Vicar de pesc de Balsan mësson damané n termin; pro i atri Ofizi dl Vicare de pesc, sciöche por ejëmpl Bornech y Sterzing, vára de regola da se presenté zënza termin; por i termins dla sabeda adoron dagnora n termin.
Al vëgn aconsié da controlé danfora les modalités preodüdes dal ofize competënt.
Metede averda! Al momënt pó ma les zitadines y i zitadins talians fá la detlaraziun pro i Ofizi dl Vicar de pesc.
Damané do n termin
Chiló podëise damané do n termin por Ves fá relascé na copia dl zertificat de portignënza linguistica.
Ultimo ajornamënt: 19/10/2026